МОНГОЛ ДАРХАН

2008-07-25 12:17:22

Наадмын өмнө захиалгаар хийсэн аяга. Багтаамж нь 1л илүү ордог. Та нар юу гэж бодож байна даа?

2008-07-21 11:52:52

2008 оны 7-р сарын 9 өглөө Азидаа хамгийн өндөрт намирах төрийн далбааг мандууллаа. Төв цэнгэлдэх хүрээлэнгийн баруун хойно намирах энэ далбааны өндөр нь 50м юм байна. Энэхүү далбааг мандуулах санааг анх УИХ-ын гишүүн Р.Эрдэнэбүрэн санаачилж, өөрөө зохион байгуулжээ. Монгол төрийн далбааг урт нь 20м, өргөн нь 10,5м ганддаггүй материалаар хийсэн бөгөөд баганыг нь 15тн ган орж нийт 70 гаруй сая төгрөгөөр босчээ.

Төв цэнгэлдэхийн дээгүүр намирч байгаа төрийн далбаа

Амеркийн айл бүр тусгаар тогтнолын өдрөөр улсынхаа далбааг мандуулдаг шиг манайхан наадмаараа төрийн далбаагаа мандууллаа.

Монголын хамгийн том морин хуур

2008-07-11 19:28:08

Та нар Монголын хамгийн том морин хуур хаана байдаг гэж бодож байна? Би ч төрийн ёслол хүндэтгэлийн өргөөнд байдаг төрийн их морин хуурыг хамгийн том нь гэж бодож байлаа. Гэтэл дуу хуурын өлгий нутаг гэгдэх Дундговь аймагт хамгийн том морин хуур байдаг юм байна. Өндөр нь бараг 4 давхар барилгатай дүйцэх байхаа.

"Монголын хамгийн том морин хуур" цааш унших »

Монголын хамгийн том тогоо

2008-04-28 12:28:07

Халхын тамгатай долоон хутагтуудын тэргүүн Манзушир хутагтын хийдийг 1733 оны харагчин үхэр жилийн хавар Монголын анхны хувилгаан Лувсанджамбалданзан удирдан Богд хан уулын урд энгэр ”Ачит Дүйнхорын булаг” хэмээх газар шав тавьж, сүжигтэн олны өргөл 800 лан мөнгөөр сүм бариулж дуусгасан нь энэ хийдийн эхлэл байсан гэдэг. Арвин буяны тэмдэг бүрдсэн байгалийн үзэсгэлэн төгөлдөр газарт уран барилгын оновчтой шийдлээр цогцлоон байгуулсан нь Халх Монголын Ар Утай гэж алдаршихын үндэс болжээ. Манзуширын хийд нь шашны төрөл бүрийн эрдэм ухаан судлах томоохон төвүүдийн нэг нь болж хөгжсөөр XX зууны эхэн үе гэхэд 500 гаруй шавьтай, гавж агримбын мяндаг олгодог Монголын томоохон хийд болжээ.Богдхан уулын өврийн асга хадны дунд VIII зууны сүүлчээр байгуулсан Манзушир бурханыг голлон тахидаг байсан “Зөөлөн эгшигт” хэмээх их хийдийн үлдэгдэл байдаг. Мөн сүүлд сэргээгдсэн Манзушир хутагтын “Сэрүүн Лаврин” хэмээх шашны зан үйлийн музей болон байгалйин материал ашиглан хийсэн урлалын үзмэр, ангийн үс, амьтдын чихмэл бүхий байгалийн музейг үзэх боломжтой.

Манзуширын хийдийн туурьд боржин чулуун хадан дээр ухан сийлж уран гоё бүтээсэн 2м орчим өндөртэй бурханы зураг бий. Энд 1726 онд цутгаж хийсэн хүрэл тогоо байдаг энэ тогооны амсар нь 215см диаметртэй, гүн нь 140см багтаамж нь 1800 л, хүнд нь 2 тонн ажээ. Энэ тогоонд 2 үхрийн буюу 10 хонины махыг чанахад 4 тэрэг түлээ түлдэг байжээ. 1 удаа 1000 хүний хоол бэлтгэж болдог.Үүнийг 1990 онд улсын хамгаалтанд авсан. Тогооны ёроол их биеийг тус тусд нь хийгээд зэс хадаасаар хаджээ. Тогооны бөөрийг тойруулаад найман тахил урласан байна.